Yeni "Apple" smartfonlarının satış gecəsində "Bolt" ilə 25% endirimli səfər imkanı
"Bolt for Business" "Baku Electronics"lə əməkdaşlıq çərçivəsində yeni "Apple" smartfonlarının satışının başlanması münasibətilə keçiriləcək gecə tədbirinə mobillik dəstəyi göstərəcək.
Aktivasiya sentyabrın 24-dən 25-nə keçən gecə saat 22:00-dan 03:00-dək "Baku Electronics"in "İnşaatçılar" filialında keçiriləcək. Tədbir yeni "Apple" smartfonlarının satışına sentyabrın 25-dən başlanması münasibətilə təşkil olunur.
Tədbirə gələn və mağazadan geri qayıdan istifadəçilər "Bolt" tətbiqində təyinat məntəqəsi kimi "iPhone18" qeyd etməklə səfərlərdə 25% endirim əldə edə biləcəklər. Endirim "Baku Electronics"in "İnşaatçılar" filialına gəliş və geri dönüş səfərlərinə şamil olunacaq.
"Bolt for Business"in Azərbaycan üzrə rəhbəri Salman Babazadə deyib:
"Yeni məhsulların satışa başladığı günlərdə mağazalara böyük maraq olur. "Baku Electronics" ilə əməkdaşlıq çərçivəsində məqsədimiz ziyarətçilərin mağazaya rahat çatmasına və geri qayıtmasına dəstək verməkdir".
Tədbir çərçivəsində 25 sentyabr tarixində müştərilər üçün bir sıra imkanlar təqdim olunacaq:
● smartfon alışı zamanı cihazın pulsuz aktivləşdirilməsi;
● smartfona qoruyucu şüşənin pulsuz çəkilməsi;
● yeni smartfonlar üçün original "case"lərin endirimli qiymətlərlə əldə edilməsi;
● əvvəlcədən onlayn sifariş edilmiş smartfonların mağazadan təhvil alınması;
● dəyərli hədiyyənin - yeni "Apple iPhone 18 Pro"nun uduşu.
Tədbir zamanı ziyarətçilərin mağazaya giriş və çıxışını asanlaşdırmaq üçün xüsusi götürmə və düşürmə nöqtələri təşkil olunacaq.
"Baku Electronics"in marketinq direktoru Aslan Həsənli isə bildirib:
"Müştərilərimizin rahatlığı və məmnuniyyəti bizim üçün hər zaman ən əsas prioritetdir. Yeni məhsullarımızın təqdimatı günlərində "Bolt" ilə birlikdə müştərilərimizə belə bir üstünlük təklif etməkdən məmnunuq. Bu əməkdaşlıq sayəsində alıcılarımız mağazalarımıza daha rahat və sürətli şəkildə gələrək ən yeni texnologiyaları kəşf edə və alış-verişdən tam zövq ala biləcəklər".
