"Radius" şirkəti Cənubi Koreyanın məşhur təkər brendi "Kumho"nun ölkədə daha geniş tanıdılması, məhsulların əlçatanlığının artırılması və müştəri xidmətlərinin inkişafı istiqamətində fəaliyyətini gücləndirəcək".
Bunu "Kumho Tire" şirkətinin nümayəndələri "Radius" şirkətində keçirilən infosessiyada media nümayəndələri və tərəfdaşlara bildiriblər.
Tədbir iştirakçıları "Kumho"nun istehsal imkanları, texnoloji yanaşması və məhsul çeşidi ilə yaxından tanış olublar. Vurğulanıb ki, "Kumho" bu gün dünyanın 180-dən çox ölkəsində təmsil olunur. Şirkətin Koreya, ABŞ, Çin və Vyetnamda istehsal müəssisələri fəaliyyət göstərir. Brend minik avtomobilləri, SUV-lər və kommersiya nəqliyyatı üçün müxtəlif tələblərə uyğun təkərlər istehsal edir.
İnfosessiya zamanı "Kumho" təkərlərinin təhlükəsizlik, davamlılıq və sürüş komfortu baxımından üstünlükləri diqqətə çatdırılıb. Qeyd olunub ki, Azərbaycan bazarında brendin əsas hədəfi sürücülərə etibarlı, keyfiyyətli və beynəlxalq standartlara uyğun təkər seçimi təqdim etməkdir.
2020-ci ildən "Kumho Tire" rəsmi distribütor şəbəkəsinə qoşulan "Radius" şirkətinin avtomobil təkər mərkəzlərində "Kumho" və "Marshal" brend məhsullarının satışı ilə yanaşı, peşəkar təkər xidmətləri də göstərilir. Şirkətin "Kumho Tire" portfelində 450-dən çox məhsul çeşidi var. Bu seçim Azərbaycan sürücülərinə yay, qış, dörd mövsüm və multi-iqlim şəraitləri üçün uyğun təkər tapmağa imkan verir.
