"BMT-nin Məskunlaşma Proqramı (UN-Habitat) Keniya, Fransa, Azərbaycan və Somali ilə mənzil böhranı sahəsində prioritet istiqamətlərin müəyyənləşdirilməsi üzrə əməkdaşlıqda əhəmiyyətli irəliləyiş əldə edib".
Oxu.Az xəbər verir ki, bunu BMT-nin Məskunlaşma Proqramının (UN-Habitat) icraçı direktoru Anaklaudia Rossbax Ümumdünya Şəhərsalma Forumunun 13-cü sessiyası (WUF13) çərçivəsində keçirilən "Qlobal mənzil böhranı: Plan nədir?" mövzusunda panel müzakirəsində bildirib.
O deyib ki, yaradıcı yanaşma nümayiş olunmalıdır:
"Biz həqiqətən yerli səviyyədə potensialı inkişaf etdirməliyik. Hamımız lazımi milli bazanın - şəhərsalma siyasətinin, yerlərdə praktiki fəaliyyətləri istiqamətləndirən mənzil maliyyələşdirmə sisteminin mövcudluğunun vacibliyini başa düşməliyik. Açıq işçi qrupu üzv dövlətlərlə işləmək üçün onların əsas mexanizmidir. Biz artıq Keniya, Fransa, Azərbaycan və Somali ilə birlikdə əsas məsələlərin - torpaq, maliyyələşdirmə, qeyri-rəsmi yaşayış məntəqələri, sosial mənzil, bu gün burada müzakirə etdiyimiz iqlimə davamlı mənzil məsələlərinin müəyyənləşdirilməsində, həmçinin toplanmış təcrübənin ümumiləşdirilməsində əhəmiyyətli irəliləyişə nail olmuşuq".
