“Mastercard” Bakıda 2022-ci ilin yekunlarına dair mətbuat konfransı keçirir - FOTO

“Mastercard”ın Türkiyə və Azərbaycan üzrə Baş Direktoru Avşar Gürdal və Türkiyə və Azərbaycanda Biznesin İnkişafı üzrə Baş Məsləhətçisi Mehmet Gülezin iştirakı ilə “JW Marriott” hotelində şirkətin ənənəvi illik mətbuat konfransı baş tutub.

Konfransa “Mastercard” nümayəndələri sürətlə dəyişən dünyada ödənişlərin müasirləşdirilməsi və transaksiyaların yeni səviyyələrə daşınmasında bir lider olaraq maliyyə sektoruna yeniliklər gətirməkdən məmnunluq duyduqlarını bildiriblər.

Bugünkü Azərbaycan sürətli rəqəmsallaşma baxımından əsas nümunələrdən biridir. Bir neçə il əvvəl başlanmış “Nağdsız Azərbaycan” proqramı indi daha iri addımlarla irəliləyir və ödənişlərin rəqəmsallaşdırılması demək olar ki bütün hökumətlərin strateji planlarından biridir. Odur ki, “MasterCard” Azərbaycanda ölkə iqtisadiyyatının rəqəmsallaşdırılmasına yönəlmiş layihələr həyata keçirir.

“Azərbaycanda 10 milyon əhaliyə 13 milyon bank kartı düşür və hazırda bank kartları ilə ödənişlərin 40%-i ticarətin payına düşür, bunun 60%-i isə elektron ticarətlə bağlıdır. Pandemiya dövrü dünyada bir çox proseslərdə dəyişikliklərə səbəb oldu və elektron ticarətin inkişafı da məhz karantin tədbirləri dövründə daha da gücləndi. Biz elektron ticarət sahəsinin daha da böyüyəcəyini proqnozlaşdırırıq və bu əməliyyatların daha da mükəmmələşdirilməsi üçün işləyirik. Qeyd etmək istərdim ki, əldə olunan rəqəmlər həm bazarda formalaşan rəqabət mühitinin, həm də bazar tənzimləyicisinin həyata keçirdiyi tədbirlərin müsbət nəticəsidir. Hazırda dünyada baş verən ödəmələrin sinxronlaşdırılmasına nəzər salsaq, Azərbaycanda rəqəmsal iqtisadiyyat üçün böyük potensialın olduğunu qeyd etmək olar. Ümumiyyətlə, “Mastercard” olaraq Azərbaycandakı fəaliyyətimizin əsas hədəfi hazırda kart ödənişlərinin şəxsi istehlak xərclərində 25 faiz təşkil edən payını davamlı şəkildə artırmaqdır. “Mastercard” Azərbaycanda 4 tərəfdaş bank ilə kartla sadələşdirilmiş pul köçürmələrinin tətbiqi istiqamətində çalışır və yaxın zamanda bu danışıqların nəticələri ictimaiyyətə təqdim ediləcək”, - deyə Avşar Gürdal qeyd edib.

Mehmet Gülez öz növbəsində bildirib ki, hazırda Azərbaycanda nağdsız ödənişlər sahəsində baş verən hadisələri nəzərə alsaq, bu ölkənin artıq nağdsız ödənişlər mərkəzinə çevrildiyini demək olar.

“Azərbaycanda daim yeni-yeni xidmətlər tətbiq edilir və bu da bizim əsas hədəfimizdir. “Mastercard” olaraq 2017-ci ildən nağdsız hökumət proqramının əsas iştirakçılarından biriyik və fəaliyyətimizi Azərbaycanın potensial ekosisteminin yaxşılaşdırılması sahəsində indi də davam etdiririk. Mövcud potensialı və dünyada baş verən sürətli dəyişiklikləri nəzərə alaraq, “Mastercard” olaraq, Azərbaycanın bütün bankları və fintekləri ilə aktiv şəkildə işləyirik. Hədəfimiz isə ən müasir maliyyə xidmətlərinin Azərbaycanda geniş yayılmasını təmin etməkdir”, - deyə Mehmet Gülez əlavə edib.

“Mastercard” ödəniş sənayesində fəaliyyət göstərən qlobal texnologiya şirkətidir. Missiyamız əməliyyatları təhlükəsiz, sadə, ağıllı və əlçatan etməklə hər kəsə, hər yerdə fayda verən inklüziv, rəqəmsal iqtisadiyyat yaratmaq və onu gücləndirməkdir. Təhlükəsiz məlumat və şəbəkələrdən, tərəfdaşlıqlardan və istəyimizdən istifadə edərək, yeniliklərimiz və həllərimiz fərdlərə, maliyyə institutlarına, hökumətlərə və bizneslərə ən böyük potensiallarını reallaşdırmağa kömək edir.

Bizim ədəb əmsalımız mədəniyyətimiz və şirkətimizin daxilində və xaricində etdiyimiz hər şeyin bələdçisidir. 210-dan çox ölkə və ərazidəki əlaqələrimizlə biz hamı üçün əvəzolunmaz imkanlar açan davamlı dünya qururuq.