"Rolls-Royce Motor Cars Baku" "Ghost Series II"nin debütünü qeyd edir

"Rolls-Royce Motor Cars Baku" "Ghost Series II" modelini ilk dəfə olaraq Azərbaycanda media nümayəndələri üçün keçirilən tədbirdə təqdim edir. Müştərilər yeni "Ghost" modelinin təqdimatını çərşənbə günü yeni avtosalonda keçiriləcək eksklüziv təqdimatda görə biləcəklər.

"Improtex" şirkətlər qrupunun vitse-prezidenti Günel Ələkbərova 2024-cü ildə davamlı uğurlar əldə olunduğunu bildirib. O, "Bespoke" proqramı çərçivəsində rekord sayda sifarişlərin və şirkət tarixində ən yüksək satış göstəricilərinin qeydə alındığını vurğulayıb. G.Ələkbərova qeyd edib ki, 2024-cü ilin sonunda yeni avtosalonun təntənəli açılışı ilə yekunlaşan bu il onlar üçün möhtəşəm olub:

"Ghost Series II" modelinə dair müştərilərdən gələn çox müsbət ilkin rəylər və bütün model sırasına davamlı tələbat 2025-ci ildə də "Rolls-Royce"un Azərbaycanda uğurla fəaliyyət göstərəcəyinə olan inamımızı artırır".

"Yenilənmiş "Ghost Series II" modelləri üç fərdi şəxsiyyəti təmsil edir. Onlar dəbdəbənin müxtəlif kodlarını əks etdirir və beləliklə, müştərilərimizin həyat tərzinə dair müxtəlif tələbləri qüsursuz şəkildə qarşılayır", - deyə "Rolls Royce Motor Cars" Mərkəzinin Şərqi Avropa və Mərkəzi Asiya üzrə korporativ kommunikasiyalar üzrə rəhbəri Frank Tiemann bildirib.

"Ghost Series II" - "Rolls-Royce"un unikal, dinamik və özünəinamlı ifadəsi

"Rolls-Royce Motor Cars" şirkəti "Ghost Series II" modelini təqdim edir - markanın tarixində ən çox satılan modelinin güclü, sürücüyönümlü və zərif bir interpretasiyası. Müştərilərin arzularına uyğun olaraq, "Ghost"un monolit və özünəinamlı xarici görünüşü incə şəkildə təkmilləşdirilib və "Bespoke" fərdi sifarişlər üçün güclü bir platforma kimi xidmət edir. Seçim imkanlarını genişləndirmək məqsədilə, indi müştərilərə "Ghost" modelində əvvəllər əlçatan olmayan interyer detalları və funksiyalar, eləcə də "Bespoke"un rəqəmsal dünyaya inteqrasiyasını təmin edən qabaqcıl proqram texnologiyaları təklif olunur.

"Ghost Series II" heç vaxt olmadığı qədər "Rolls-Royce"un tam olaraq dizayn yanaşmasına uyğun gəlir. Avtomobilin ön hissəsi, işıqlandırılmış "Rolls-Royce Pantheon" radiator barmaqlığı üçün təmiz və müasir bir vitrinə çevrilib. "Ghost Series II" seriyasının müasir mövcudluğu yenilənmiş faralar və gündüz işıqlarının qrafikası ilə vurğulanır. Bu işıqlar barmaqlığın alt hissəsindən başlayaraq ön qanadların kənarına qədər zərif şəkildə axır.

"Ghost Extended Series II" - Mükəmməl arxa oturacaqlarda lüks məkan

"Ghost Series II" təklif etdiyi çevikliyi qiymətləndirən, lakin arxa oturacaqlarda daha çox lüks məkan axtaran müştərilər üçün "Ghost Extended Series II" təqdim olunur. Bu avtomobil yalnız arxa qapıların və keçidlərimizin uzadılması sayəsində arxa salonda 170 mm əlavə məkan təmin edir, eyni zamanda zərif silueti qoruyur.

"Rolls-Royce Motor Cars Baku"

Ünvan: Bakı şəhəri, Ə.Əli-Zadə küç. 5

Veb-sayt: www.rolls-roycemotorcars.az

"Instagram": @rollsroycemotorcarsbaku

Əlaqə nömrəsi: +994502683314