"Tiffany & Co." füsunkar zərgərlik kolleksiyası "Blue Book 2024: Tiffany Céleste"nin ən yeni nümunələrini təqdim etdi. "Blue Book 2024: Tiffany Céleste" markaya monumental miras qoyan fransız zərgərlik dizayneri Jan Şlyumberjenin kainatının sirləri ilə sərhədsiz təxəyyül və valehediciliyi qeyd edir. Bu kolleksiya Şlyumberjenin günəş, ay, ulduzlar, uzaq qalaktikalar və fantaziya dünyalarına dair simvolik şərhlərini uyğunlaşdıraraq konsepsiyaları yenidən ixtira edir. İlin əvvəlində nümayiş olunan yaz təqdimatında o, altı ayrı bölməyə bölünürdü: "Wings", "Arrow", "Constellation", "Iconic Star" , "Ray of Light" və "Apollon". Zərgərlik evi indiki yay iterasiyasını isə "Peacock", "Shooting Star" və "Flames " adlı üç bölmə ilə təqdim edir.
"Tiffany & Co." brendininzərgərlik üzrə baş bədii direktoru Verdey izah edir: "Tiffany Céleste" sonsuz təxəyyülü olan və şəxsi dünyalarında kosmik varlıq axtaranlar üçün gözəl parçalar təklif edir. O, gözoxşayan formaları və şəkilləri yan-yana qoyur və sonra onları gözəl əsərlərə çevirir".
Kral ailəsinin mifoloji əhəmiyyətinə hörmət əlaməti olaraq, "tovuzquşu" mövzusu quşun heyrətamiz parlaq lələklərindən ilhamlanan yaradıcılığı nümayiş etdirir. Məlumdur ki, tovuzquşunun rəngarəng tükləri müşahidəçidə heyranlıq yaradır. Tanzanit, yaşıl turmalin və almaz kimi canlı daşlar, şübhəsiz ki, gözdə oxşar təsir yaradır. Bu bölmədəki diqqətəlayiq boyunbağıda ümumi çəkisi 108 karatdan, "Peacock" yaxa sancağı isə 13 karatdan çox tanzanit nümayiş etdirilir.
Kolleksiyanın "Shooting Star" bölməsi Jan Şlyumberjenin "Tiffany & Co." dizaynlarının arxivini bir araya gətirir. "Shooting Star" dizaynı cəmi 78 karatdan çox olan ametistlərdən ibarət brilyant boyunbağı dəsti kimi seçilir.
Şlyumberjenin günəş şüalarını xatırladan "Flames" bölməsi gözoxşayan almaz əsaslı dizaynlardan ibarətdir. Platin və 18 karat sarı qızıldan hazırlanmış boyunbağıda cəmi 53 karatdan çox almaz var. Bundan əlavə, bir cüt "Flame" sırğaları ağ brilyant vurğu ilə əhatə olunmuş iki qiymətli daşdan ibarətdir.
Bir-birindən füsunkar yüksək zərgərlik nümunələrindən ibarət "Blue Book 2024: Tiffany Céleste" kolleksiyasının yay buraxılışı Monakoda təntənəli tədbirlə təqdim edildi. Bu tədbirdə brend nümayəndələri, VIP müştərilər və digər xüsusi qonaqlar iştirak etdi. Həmçinin "Tiffany & Co." brendinin ölkəmizdəki brend və mağaza meneceri də bu özəl gecədə iştirak edənlər arasında idi. Tədbiri misilsiz parçaların nümayişindən sonra musiqi qruplarının çıxışı müşayiət etdi.
Rəylər