"Ketamin kraliçası" ləqəbi ilə tanınan Casvin Sanqha aktyor Metyu Perrinin ölümünə səbəb olan dərmanların satışını etiraf edib.
Oxu.Az BBC-yə istinadən xəbər verir ki, 42 yaşlı qadın Los-Ancelesdə beş ittiham üzrə günahını boynuna alıb.
ABŞ və Britaniya vətəndaşlığına malik olan Sanqha əvvəlcə doqquz maddə ilə ittiham olunub. Federal prokurorlar onun Los-Ancelesdəki evini "narkotik ticarət mərkəzi" adlandırıb və reyd zamanı onlarla flakon ketamin aşkar ediblər.
Xatırladaq ki, Perri 2023-cü ilin oktyabrında Los-Ancelesdəki evində ölü tapılıb. Yarılma zamanı onun ketaminin təsirindən öldüyünü məlum olub.
