ABŞ-nin Kaliforniya ştatındakı Şasta dağında baş verən bədbəxt hadisə xilasediciləri heyrətləndirib.
Oxu.Az xəbər verir ki, bu barədə "New York Post" nəşri məlumat yayıb.
31 yaşlı qadın iki təcrübəsiz alpinistlə birlikdə zirvəyə qalxarkən təxminən 4 000 metr yüksəklikdə olduğu zaman 500 metr aşağı yıxılıb.
Dəhşətli yıxılmaya baxmayaraq, xilasedicilər hadisə yerinə çatdıqda qadının ayıq olduğunu görüblər. Onun sağ topuğunda sınıq və müxtəlif dərəcəli bədən xəsarətləri qeydı alınıb.
Aidiyyəti qurumlar Şasta dağında hava şəraitinin və mühitin qəfil dəyişə biləcəyi barədə xəbərdarlıq ediblər. Mütəxəssislər alpinistlərə dağa dırmanarkən mütləq şəkildə peşəkar ləvazimatlardan istifadə etməyi və təhlükəsizlik qaydalarına ciddi riayət etməyi tövsiyə edirlər.
