Ən son xəbərləri bizim Telegram kanalımızda izləyin
ABŞ-də respublikaçıların qurultayının keçiriləcəyi yerin yaxınlığında silahlı şəxs saxlanıldı
ABŞ-nin Viskonsin ştatının Miluoki şəhərində polis respublikaçıların qurultayının keçirildiyi ərazinin yaxınlığında xizək maskası taxmış silahlı şəxsi saxlayıb.
Bu barədə Oxu.Az "Fox News"a istinadən bildirir.
Hüquq-mühafizə orqanlarının verdikləri məlumata görə, silahlı şəxs qurultayın keçiriləcəyi yerdən bir neçə kvartal aralıda həbs edilib. Axtarış zamanı təhlükəsizlik qüvvələri onun çantasından tapança və dolu daraq aşkar ediblər. Onun Viskonsin və ya digər ştatlarda silah gəzdirmək üçün lisenziyası olmayıb.
Qeyd edək ki, bu, Miluoki şəhərində silahlı şəxslərlə bağlı baş verən ilk insident deyil.
Respublikaçıların Milli Qurultayı iyulun 15-də Miluokidə başlayıb. İlk gün nümayəndələr rəsmi olaraq Donald Trampı prezidentliyə namizəd, Ohayo ştatından olan senator Ceyms Devid Vensi isə vitse-prezidentliyə namizəd kimi irəli sürüblər.
"Donald Tramp" teqi üzrə xəbərlər
- Milyarderlər birləşirlər: Dünyaca məşhur bloqer "MrBeast" "TikTok"u xilas etmək qərarına gəlib
- KİV: "Tramp neft və qaz hasilatına qoyulan məhdudiyyətləri aradan qaldıracaq"
- İlon Maska Ağ Ev kompleksində şəxsi ofis veriləcək
- Direktor: "ABŞ və Ermənistanın imzalayacağı sənədin icrasının hansı səviyyədə olacağı sual doğurur"
- Tramp Kaliforniyada meşə yanğınlarının vurduğu ziyanı nüvə zərbəsi ilə müqayisə etdi
Ən çox oxunanlar
Rəylər