İyulun 17-də ABŞ-yə məxsus "F-16" qırıcı təyyarələri futbol üzrə Dünya Çempionatının final matçı ərəfəsində Nyu-York və Nyu-Cersi ştatlarının hava məkanında tətbiq edilən müvəqqəti uçuş qadağasını pozan təyyarəni ələ keçirib.
Oxu.Az xəbər verir ki, bu hadisə ilə bağlı Şimali Amerika Aerokosmik Müdafiə Komandanlığı (NORAD) rəsmi açıqlama yayıb.
Pilots! @NORADCommand fighters intercepted an aircraft violating restricted airspace over New York, NY, resulting in flares being deployed. Remember: Check NOTAMs before EVERY flight!https://t.co/o5pUDyqjdP@flywithaopa
— 1st AF/America's AOC (@1stAF) July 17, 2026
NORAD-ın yaydığı məlumatda qeyd olunur:
"İyulun 17-də ABŞ-nin Şərq Sahili vaxtı ilə saat 16:18-də (Bakı vaxtı ilə saat 23:18-də) NORAD-ın "F-16" qırıcıları Nyu-York üzərində uçuşlara qoyulan müvəqqəti məhdudiyyətləri pozan ümumi təyinatlı aviasiya hava gəmisini saxlayıb. Həmin hava gəmisi qadağan olunmuş ərazidən təhlükəsiz şəkildə kənarlaşdırılıb".
Daha əvvəl komandanlıq məhdudiyyətlərin iyulun 17-dən 19-dək qüvvədə olacağı barədə məlumat vermişdi.
Xatırladaq ki, iyulun 19-da Nyu-Cersidə Argentina və İspaniya yığmaları futbol üzrə dünya çempionatının finalında qarşılaşacaqlar.
