Pentaqon, xüsusilə qısa mənzilli taktiki silahların mümkün istifadəsini nəzərdə tutan ABŞ-nin yeni nüvə strategiyasını hazırlayır.
Oxu.Az xəbər verir ki, bu barədə NBC telekanalı məlumat yayıb.
Məlumata görə, yeni strategiyada onilliklər ərzində sarsılmaz hesab edilən nüvə silahına əvvəlki yanaşma şübhə altına alınır.
Bildirilir ki, Pentaqon Rusiya və ya Çinlə mümkün müharibə ssenariləri üçün yeni strategiyanın hazırlanmasına başlayıb.
Departamentin təklifləri strategiyanın ABŞ prezidenti üçün heç bir hərəkət istiqamətini istisna etməyəcəyini, əksinə, ona real və etibarlı seçimlər təqdim etməklə seçim məkanını genişləndirəcəyini və bununla da çəkindirməni gücləndirəcəyini nəzərdə tutur.
"Biz hesab edirik ki, bizə nüvə silahının tətbiqi üçün etibarlı variantlar lazımdır", - NBC-nin Pentaqondakı mənbəsi bildirib.
