Afrikanın səhralıq ərazisində koronavirusun yaşayış şərtlərini daha da çətinləşdirdiyindən 67 min uşağın aclıqdan ölmək təhlükəsi ilə üzləşdiyi bildirilib.
Bu barədə “Save the Children” beynəlxalq qeyri-hökumət təşkilatı xəbərdarlıq edib.
Ərazidəki daşqın fəlakətləri, çəyirtkə istilaları və artan qiymətlərin qida təhlükəsizliyinin itirilməsinə səbəb olması də buna şərait yaradır.
Bildirilir ki, lazımi qaydada qidalanmayan bir çox uşaq hər gün klinikalara müraciət edir. Vəziyyətin daha da pisləşəcəyi gözlənilir.
Daha əvvəl Birləşmiş Millətlər Təşkilatının Dünya Qida Proqramı (WFP) COVID-19 epidemiyası səbəbiylə ianə azaldıldıqdan sonra Efiopiya, Uqanda, Kenya, Cənubi Sudan və Cibutidəki qaçqınlara ərzaq və pul yardımlarını 10-30% azaltmaq məcburiyyətində qaldığını açıqlayıb.
