30 sentyabr - 1 oktyabr 2024-cü il tarixlərində Ankarada Türk Dövlətləri Təşkilatının (TDT) Xəritəçəkmə Qurumları Başçılarının 1-ci Toplantısı keçirilib.
Oxu.Az Türkiyə mətbuatına istinadən xəbər verir ki, iclasda təşkilata üzv dövlətlərin mülki və hərbi xəritəçəkmə qurumlarının rəhbərləri və müşahidəçilər iştirak ediblər.
Türk Dövlətləri Təşkilatı Baş Katibinin müavini Sədi Cəfərov bildirib ki, yeni yaradılmış Xəritəçəkmə Qurumları Başçıları Platforması TDT ölkələri arasında xəritəçəkmə sahəsində əməkdaşlığı daha da inkişaf etdirəcək və gücləndirəcək.
İclasın yekununda nümayəndə heyətlərinin rəhbərləri bəyannamə imzalayıblar.
