Azərbaycandan Ukraynaya, demək olar ki, 40 ton avadanlıq daxil olub ki, bu da Ukrayna Dəmir Yollarının işini gücləndirməyə və vacib kritik infrastrukturu dəstəkləməyə kömək edəcək.
Oxu.Az xəbər verir ki, bu barədə Ukrayna Energetika Nazirliyinin "X" sosial şəbəkəsində bəyanat yayılıb.
Through the @MinEnergy_ua Hub, almost 40 tonnes of equipment from Azerbaijan have been delivered to a regional railway branch to help strengthen the work of Ukraine's railway workers and support critical infrastructure.
— Ministry of Energy of Ukraine (@MinEnergy_ua) July 29, 2026
Almost every day, equipment leaves the Hub for regions… pic.twitter.com/yWN4o65ISD
Bəyanatda qeyd olunduğu kimi, Azərbaycandan göndərilən avadanlıq Energetika Nazirliyinin xüsusi habı vasitəsilə çatdırılıb.
Nazirlikdə əlavə ediblər ki, demək olar ki, hər gün habdan Ukraynanın müxtəlif regionlarına avadanlıq göndərilir. Bu, Rusiya hücumlarının daimi təhlükəsi şəraitində həm energetika sektorunun, həm də digər həyati əhəmiyyətli infrastrukturun fəaliyyətini təmin etməyə kömək edir.
"Ukrayna ilə həmrəyliyə və kritik infrastrukturumuza dəstəyə görə Azərbaycana və STP "Global Cable" şirkətinə təşəkkür edirik", - deyə məlumatda bildirilir.
Xatırladaq ki, aprel ayında Prezident Volodimir Zelenski Azərbaycana səfəri zamanı altı ikitərəfli müqavilənin imzalandığını açıqlamışdı.
Həmin səfərdən sonra Azərbaycan tərəfi Ukraynaya humanitar dəstək məqsədilə beş ədəd sərnişin avtobusu da təqdim etmişdi.
