Baltikyanı ölkələr - Estoniya, Latviya və Litva, həmçinin Polşa və Finlandiya Avropa Komissiyasına müraciət edərək qurumdan pilotsuz uçuş aparatlarına (PUA) qarşı mübarizəni gücləndirmək üçün vəsait ayırmağı xahiş ediblər.
Oxu.Az TASS agentliyinə istinadən xəbər verir ki, bu barədə Litva Daxili İşlər Nazirliyi məlumat yayıb.
Qeyd olunub ki, məktubu ünvanlayan beş ölkə hava məkanının pozulması hallarının sayının artması ilə bağlı narahatlıqlarını ifadə ediblər və ölkənin hava məkanın qorunmasının gücləndirilməsinin vacibliyini qeyd ediblər.
Məktubda qeyd olunur ki, regionda təhlükəsizlik vəziyyəti gərgin olaraq qalır.
