May ayının əvvəlindən bəri Ebola xəstəliyinə yoluxduğundan şübhə duyulan xəstələr qida məhsulları çatışmazlığı səbəbindən Konqodakı xəstəxanalardan və karantin mərkəzlərindən 150 dəfədən çox qaçıblar.
Oxu.Az-ın xəbərinə görə, bu barədə "Bloomberg" agentliyi BMT-nin Dünya Ərzaq Proqramının Konqo Demokratik Respublikasındakı fəaliyyətinə məsul şəxsi Devid Stivensona istinadən məlumat verib.
Söhbət əsasən Ebola şübhəsi səbəbindən təcrid olunmaq məcburiyyətində qalanlardan gedir.
"Karantinlə üzləşənlər və xəstəxanaya düşənlər çox vaxt işləmək və ailələrindən yemək almaq imkanını itirirlər", - deyə BMT əməkdaşı qeyd edib və əlavə edib ki, aclıq Konqo Demokratik Respublikasında Ebola ilə mübarizədə ciddi maneəyə çevrilib.
Qaynar xətt:
(055) 224 12 12
