Bolqarıstan Prezidenti Rumen Radev Rusiyanın "LUKOIL" şirkətinin aktivlərinin ölkədəki mümkün satışının şərtləri ilə bağlı investisiyalar haqqında qanun layihəsinə veto qoyub. Layihə oktyabrın 24-də parlamentdə qəbul edilib.
Oxu.Az xəbər verir ki, bu barədə məlumatı Bolqarıstan prezidentinin mətbuat xidməti yayıb.
Dövlət başçısı bu cür sövdələşmələrin mütləq qaydada Milli Təhlükəsizlik üzrə Dövlət Agentliyinin nəzarəti altında aparılması, qurumun aktivlərin satışının mümkünlüyünə yazılı rəy verməli olması barədə müddəa ilə razılaşmayıb.
"Qəbul edilmiş qanun hökuməti Milli Təhlükəsizlik üzrə Dövlət Agentliyindən funksional və operativ asılılığa salır ki, bu da konstitusiya baxımından yolverilməzdir", - deyə prezident qanunu yenidən müzakirə olunması üçün parlamentə qaytararkən bəyan edib.
