Bolqarıstan Prezidenti İliyana Yotova ölkə hökumətinin "istəklilər koalisiyası"nda (sülh sazişlərinin qorunması səyləri çərçivəsində Ukraynaya uzunmüddətli təhlükəsizlik zəmanətlərinin verilməsi üçün formalaşdırılmış 35 ölkədən ibarət qeyri-rəsmi beynəlxalq birlik) iştirakdan imtina etməsini dəstəkləyib.
Bu barədə Oxu.Az Bolqarıstan Milli Radiosuna (BNR) istinadən xəbər verir.
"Son günlərdə Bolqarıstanın "istəklilər koalisiyası"nda iştirakı ilə bağlı qızışan müzakirələr həm daxili, həm də beynəlxalq əhəmiyyətli bir mövzudur və hesab edirəm ki, ölkəmizin mövqeyi hazırda düzgündür", - deyə prezident bildirib.
İyulun 15-də Fransanın sağçı Patriotlar Partiyasının lideri Florian Filippot bildirib ki, Bolqarıstanın "istəklilər koalisiyası" adlanan birlikdə iştirakdan imtina etmək qərarı Fransa Prezidenti Emmanuel Makron və Avropa Komissiyasının sədri Ursula fon der Lyayen üçün fəlakət olub.
Qeyd edək ki, iyulun 14-də Bolqarıstanın Baş naziri Rumen Radev ölkəsinin Ukraynaya hərbi və maddi dəstəyi təşviq edən "istəklilər koalisiyası"nın bir hissəsi olmayacağını açıqlamışdı. O vurğulamışdı ki, Ukrayna böhranının həll yolu müharibəni uzatmaqda deyil, gərginliyi azaldacaq konkret diplomatik addımlar atmaqdadır.
