Braziliyada yanğınlar səngimir: Ölənlər var

Braziliyanın San-Paulu ştatında həftənin ortalarında şəkər qamışı plantasiyalarında baş verən yanğın 50 min kvadratmetrdən çox ərazini bürüyüb.

Bu barədə Oxu.Az yerli "G1" portalına istinadən xəbər verir.

Ştat hökuməti yanğının söndürülməsində iştirak edən iki nəfərin həlak olduğunu bildirib.

Yanğının sürətlə yayılmasına bu ərazidə dörd aydır davam edən güclü külək və quraqlıq şərait yaradır.

San-Paulu hökuməti zərərçəkənlərə kömək etmək üçün böhran qərargahı yaradıb.