Rusiyanın Çeçenistan Respublikasının paytaxtı Qroznıda yanacaqdoldurma məntəqəsində baş verən güclü yanğın artıq söndürülüb.
Oxu.Az-ın TASS-a istinadən xəbərinə görə, bu barədə Rusiya Fövqəladə Hallar Nazirliyindən məlumat verilib.
Məlumata görə, yanğın artıq tam söndürülüb. Hazırda dağıntılar təmizlənir, soyutma işləri aparılır.
Rusiya Fövqəladə Hallar Nazirliyinin yaydığı videoda Qroznıdakı yanacaqdoldurma məntəqəsinin tamamilə dağıldığı əks olunub.
Rusiyanın Çeçenistan Respublikasının paytaxtı Qroznıda yanacaqdoldurma məntəqəsində baş verən güclü partlayış zamanı dörd nəfər ölüb.
Bu barədə Oxu.Az Rusiya "Telegram" kanallarına istinadən xəbər verir.
Məlumata görə, partlayış dalğasının kənara atdığı çən iki uşaq və iki böyüyün həyatına son qoyub.
Kadrlarda insanların böyük sürətlə fırlanıb gələn çəndən qaçmağa çalışdıqları əks olunub.
Rusiyanın Çeçenistan Respublikasının paytaxtı Qroznıda kollec yaxınlığındakı yanacaqdoldurma məntəqəsində güclü partlayış baş verib.
Bu barədə Oxu.Az Rusiyanın "Telegram" kanallarına istinadən xəbər verir.
Hələlik ölən və yaralananlar barədə məlumat verilmir. Şahidlərin sözlərinə görə, yanacaqdoldurma məntəqəsi hələ də partlamağa davam edir.
Fövqəladə hallar xidmətlərindən bildirib ki, ilkin məlumatlara görə, yanacaqdaşıyan maşınını və ya yanacaq çəninin partlaması yanğına səbəb ola bilər.
Rəylər