Cənubi Koreya Konstitusiya Məhkəməsi prezidentin impiçmentini təsdiqlədi

Cənubi Koreya Konstitusiya Məhkəməsi keçmiş prezident Yun Sok Yolun impiçmentini təsdiqləyib, onu ötən ilin dekabrında qısa müddətə hərbi vəziyyət tətbiq etdiyinə görə vəzifəsindən kənarlaşdırıb.

Oxu.Az xəbər verir ki, bu barədə "Yonhap" agentliyi məlumat verib.

Qeyd olunub ki, məhkəmənin hökmü dərhal qüvvəyə minib. Qərar iqtidardan 60 gün ərzində növbədənkənar prezident seçkisi keçirməyi tələb edir.

Nəşrin bildirdiyinə görə, seçkinin iyunun 3-də keçirilməsi gözlənilir.

Xatırladaq ki, keçən ilin dekabrında müxalifətin nəzarətində olan Milli Assambleya Yunu dekabrın 3-də hərbi vəziyyət elan etməklə, qanunvericilərin fərmana qarşı səs verməsinə mane olmaq üçün Milli Assambleyada qoşun yerləşdirməklə Konstitusiyanı və qanunları pozmaqda ittiham edərək impiçment elan edib.

Yun Sok Yol bütün ittihamları rədd edib.