Yazıçı Çingiz Aytmatovun bacısı Roza Aytmatova onun 100 illik yubileyinin qeyd olunmamasını xahiş edib.
Bu barədə Oxu.Az "Kabar" agentliyinə istinadən məlumat verir.
"Əminəm, deyəcəklər ki, Aytmatovun 100 illik yubileyi üçün ayrılan vəsaiti nəyəsə başqa bir şeyə xərcləmək olardı. Buna görə də hökumətdən əvvəlcədən xahiş edirəm ki, bu vəsait adi insanların həyatının yaxşılaşdırılmasına yönləndirilsin. Bu onun üçün əsl xatirə olacaq", - deyə o, müraciətində bildirib.
Roza Aytmatova, həmçinin vurğulayıb ki, Aytmatovun ölümündən 17 il keçib, lakin bəziləri hələ də onu müzakirə və tənqid etməyə davam edirlər. O, qardaşının xatirəsinin təhqir edilməməsinə çağırıb.
