Böyük Britaniyada nəşr olunan "Collins" ingilis dili lüğəti "vaybkodinq" terminini (vibe coding) 2025-ci ilin sözü elan edib.
Oxu.Az xəbər verir ki, bu barədə məlumat "Collins"in saytında yer alıb.
"Vaybkodinq tapşırığın sadə dildə təsviri əsasında kompüter kodunun yaradılması üçün süni intellektdən istifadə olunması deməkdir", - deyə məlumatda bildirilir.
Qeyd olunub ki, termin slovakəsilli Kanada alimi Andrey Karpati tərəfindən yaradılıb, lakin Silikon Vadisinin hüdudlarından xeyli uzaqda əks-səda doğurub. Bu termin gündəlik həyatın müxtəlif sahələrində süni intellektdən istifadə istiqamətində mədəni dəyişiklikləri əks etdirir.
