Dalay Lama XIV Tenzin Gyatso 91-ci doğum günündə 130 ilədək yaşaya biləcəyini açıqlayıb.
Oxu.Az xəbər verir ki, o, bu barədə Hindistanın Ladaq bölgəsində tərəfdarları qarşısında çıxışı zamanı danışıb. Mərasimin canlı yayımı Dalay Lamanın rəsmi saytında yayımlanıb.
"Artıq 91 yaşım var. Yuxularımı nəzərə alsaq, yüz yaşdan çox yaşayacağam. Bəlkə də, təxminən 130 il yaşayaram", - deyə Dalay Lama bildirib. O, həyatdakı əsas məqsədinin dünyadakı bütün canlılara fayda vermək olduğunu vurğulayıb.
Qeyd edək ki, Dalay Lama XIV 1935-ci il iyulun 6-da Tibetin Takcer kəndində anadan olub. İki yaşında olarkən əvvəlki Dalay Lamanın reinkarnasiyası kimi tanınıb. Hazırda onun iqamətgahı Hindistanın Dharamşala şəhərində yerləşir. O, 1989-cu ildə Nobel Sülh Mükafatına layiq görülüb.
