Əlcəzairin paytaxtı Əlcəzair şəhərinin Əl-Harraş bölgəsində sərnişin avtobusu körpüdən çaya düşüb.
Oxu.Az-ın "Haber Global"a istinadən xəbərinə görə, bu barədə Əlcəzair Mülki Müdafiə Baş İdarəsindən məlumat verilib.
Məlumata görə, hadisə nəticəsində 18 nəfər suda boğulub, 24 nəfər yaralanıb.
Yaralılara ilkin tibbi yardım göstərilərək yerli xəstəxanaya, ölənlər isə Mülki Müdafiə İdarəsinin morquna aparılıb.
Yaralılardan bəzilərinin vəziyyətinin ağır olduğu bildirilir.
Əlcəzair paytaxtında sərnişin avtobusu körpüdən çaya uçub: Çox sayda insan suda boğulub
