"Robert Koçaryanın və Serj Sarqsyanın, həmçinin, onların komandasında təmsil olunan şəxslərin siyasi gələcəyi ola bilməz, onlar keçmişin qalıqlarıdır".
Oxu.Az xəbər verir ki, bu sözləri özünün "Telegram" kanalında erməni apostol kilsəsi ilə baş nazir Nikol Paşinyan arasındakı gərginliyə münasibət bildirən Ermənistan parlamentinin spikeri Alen Simonyan yazıb.
Hakim Vətəndaş Sazişi Partiyasının üzvü olan A.Simonyan fikrinin davamında yazıb ki, Ermənistanda hakimiyyət xalqa məxsusdur, Eçmiədzin kilsəsinin katolikosuna yox.
"Əgər kimsə geyindiyi qara paltarın onları qanun qarşısında məsuliyyətdən azad edəcəyini düşünürsə, yanılır", - deyə Ermənistan parlamentinin spikeri qeyd edib.
