Husilər ABŞ və İsrailə xəbərdarlıq etdi

Yəmənin üsyançısı "Ənsar Allah" hərəkatı (husilər) Qəzza zolağına hücum edəcəyi təqdirdə ABŞ və İsrailin hədəflərini vuracağı ilə hədələyib.

Oxu.Az "Al Masirah" telekanalına istinadən xəbər verir ki, bu barədə üsyançıların lideri Əbdülməlik Əl-Husi bildirib.

"Amerikalılar və israillilər Donald Trampın hədələrinə əsaslanaraq, şənbə günü (15 fevral) Qəzza zolağına hücum etmək qərarına gəlsələr, bundan əvvəl və ya sonra dərhal hərbi cavab verəcəyik", - o qeyd edib.

Əl-Husi vurğulayıb ki, ABŞ və İsrail fələstinlilərin Qəzza zolağından köçürülməsi planını həyata keçirməyə cəhd edərsə, husilər yenidən raket və pilotsuz təyyarələrdən istifadə edərək onların hədəflərinə hücuma başlayacaq, həmçinin dəniz əməliyyatları keçirəcək.