Rusiya qazının İrana tədarükü ilə bağlı müqavilə artıq hazırlanıb, qiymət məsələsində razılaşmaq lazımdır.
Oxu.Az TASS-a istinadən verdiyi xəbərə görə, bu barədə İranın Ali Milli Təhlükəsizlik Şurasının katibi Əli Əkbər Əhmədian Rusiya Təhlükəsizlik Şurasının katibi Sergey Şoyqu ilə görüşündə bildirib.
"Bizim işləməli olduğumuz digər məsələ qazın tədarükü ilə bağlı saziş idi. Müqavilə hazırlanıb. İmzalanmaq üçün yalnız qiymət məsələsi qalıb. Bu, daha çox işlənilməsi lazım olan məsələlərdən biridir", - o bildirib.
Əhmədian həmçinin xatırladıb ki, Rusiya və İran ölkələr arasında hərtərəfli strateji tərəfdaşlıq haqqında sazişi ratifikasiya ediblər.
"Bu sazişin hazırlanması və onun uğurlu ratifikasiyası tərəflərimiz arasında hərtərəfli səylərin nəticəsidir", - İran Təhlükəsizlik Şurasının katibi vurğulayıb.
