İraqın qərbindəki Ənbar əyalətində beynəlxalq magistral yolda baş verən zəncirvari qəza nəticəsində səkkizi hərbçi olmaqla 13 nəfər ölüb.
Oxu.Az "Haber Global"a istinadən xəbər verir ki, dəhşətli qəzada daha beş nəfər isə yaralanıb.
Məlumata görə, üç nəqliyyat vasitəsinin toqquşduğu qəza Bağdaddan təxminən 50 kilometr qərbdə yerləşən Fəllucə şəhəri yaxınlığında yüksək sürət səbəbindən baş verib.
İraq Müdafiə Nazirliyi qəza zamanı səkkiz hərbçinin və beş mülki şəxsin həlak olduğunu təsdiqləyib.
Hadisə şahidlər bildiriblər ki, zəncirvari qəza nəticəsində baş verən yanğında nəqliyyat vasitələri tamamilə yanıb.
