İraq neftinin Türkiyənin Ceyhan limanına ixracı avqustun 6 və ya 7-də bərpa olunacaq.
Oxu.Az INA agentliyinə istinadən xəbər verir ki, bu açıqlamanı İraqın neft naziri Hayan Əbdül-Qani verib.
"Kürdüstan bölgəsi ilə razılaşmadan sonra bu gün və ya sabah Türkiyənin Ceyhan limanı vasitəsilə gündəlik ilkin 80 min barel neft ixracını bərpa edəcəyik", - deyə Hayan Əbdül-Qani bildirib.
Xatırladaq ki, İraqla Türkiyəni birləşdirən Kərkük-Ceyhan neft kəməri 2023-cü ilin fevralında güclü zəlzələdən sonra fəaliyyətini dayandırıb.
