İsrail Səna aeroportunu tamamilə dağıdıb: Bütün mülki təyyarələr MƏHV EDİLİB

Yəmənin "Ənsar Allah" hərəkatından olan husilərin nəzarətində olan paytaxt Sənanın beynəlxalq hava limanı İsrailin hava zərbələri nəticəsində tamamilə dağıdılıb.

Bu barədə Oxu.Az "Al Yemen" telekanalına istinadla xəbər verir.

Məlumata görə, İsrail təyyarələri əsas sərnişin terminalını və bütün texniki obyektləri dağıdıb. Zərbələr nəticəsində hava limanının ərazisində yerləşən bütün mülki təyyarələr də məhv edilib.

Ölən və yaralananlar barədə məlumat daxil olmayıb.