FələstinİN HƏMAS hərəkatı ABŞ-nin Qəzza zolağında atəşkəslə bağlı təklifini faktiki olaraq rədd edib, rəsmi Təl-Əviv isə bu planla razılaşır.
Oxu.Az TASS-a istinadən xəbər verir ki, bu barədə İsrailin Baş naziri Benyamin Netanyahunun ofisinin məlumatında bildirilir.
"İsrail ABŞ prezidentinin xüsusi elçisi Stiven Uitkoffun girovlarımızı azad etməyə yönəlmiş yenilənmiş planını qəbul edib, lakin HƏMAS imtina mövqeyinə sadiq qalmaqda davam edir. Stiven Uitkoffun qeyd etdiyi kimi, HƏMAS-ın cavabı qəbuledilməzdir və prosesi geri atır", - bəyanatda bildirilir.
Administrasiya əlavə edib ki, İsrail girovlarını qaytarmaq və HƏMAS üzərində tam qələbəyə nail olmaq üçün bütün səylərini davam etdirəcək.
