Böyük Britaniyanın Baş naziri Kir Starmer istefa verməyəcəyini bəyan edib.
Oxu.Az xəbər verir ki, bu barədə ölkə başçısı BBC telekanalına müsahibəsində məlumat verib.
O qeyd edib ki, vətəndaşlara verilən vədləri reallaşdırmaq məqsədilə hökumətin fəaliyyətində iştirakını davam etdirəcək:
"Mən vəzifəmdən getməyəcəyəm. Ölkəni yeni liderin seçilməsi xaosuna sürükləməyimizin doğru olduğunu düşünmürəm. Diqqətimi məhz seçildiyim işə - bu dövlət üçün konkret nəticələr qazanmağa yönəltmişəm".
Qeyd edək ki, daha əvvəl Böyük Britaniyanın müdafiə naziri Con Hili qalmaqallı şəkildə istefa verib. Starmerin siyasi fəaliyyəti ilə razılaşmayan nazirlərin istefası mayın 12-dən başlayıb və nazir müavinlərinin vəzifələrindən getməsi ilə davam edib. Britaniyanın səhiyyə naziri Ues Stritinq də Starmerə inamsızlıq səbəbindən vəzifəsindən ayrılıb.
