Fransa prezidenti Emmanuel Makron yanvarın əvvəlində Parisdə "könüllülər koalisiyası"nın iclasının keçiriləcəyini açıqlayıb.
Oxu.Az xəbər verir ki, bu barədə o özünün "X" sosial şəbəkə hesabında yazıb.
"Biz "könüllülər koalisiyası"na daxil olan ölkələrin hər birinin ümumi işə konkret töhfəsini tam müəyyən etmək üçün yanvarın əvvəlində Parisdə toplayacağıq".
Makron qeyd edib ki, o və digər Avropa liderləri, eləcə də ABŞ Prezidenti Donald Tramp və Ukrayna Prezidenti Volodimir Zelenski sülhün bərqərar olması üçün Kiyevə təhlükəsizlik zəmanəti məsələsində irəliləyiş əldə edirlər.
