Böyük Britaniyanın "Burberry" brendi satışların azalması fonunda xərcləri azaltmağa çalışdığı üçün 1700-ə qədər əməkdaşını ixtisar edəcək.
Oxu.Az xəbər verir ki, bu barədə "Bloomberg" məlumat verib.
Qeyd olunur ki, bu moda brendi iki il ərzində öz işçilərinin, demək olar ki, hər beş nəfərdə birindən (işçilərin 18%-i) xilas olmağı və bununla da 80 milyon dollara qənaət etməyi planlaşdırır.
"Burberry" üst geyimlərinin populyarlığını artırmağa və böhran səbəbi ilə xərcləri azaltdıqdan sonra müştəriləri geri qazanmağa çalışır. 2024-cü ilin birinci yarısında şirkətin pərakəndə satışları 20%-dən çox azaldıqdan sonra onun baş direktoru Conatan Akeroyd istefa verib və onun yerinə market brendləri ilə işləməkdə böyük təcrübəyə malik Coşua Şulman təyin olundu ki, bu da brendin dəbdəbəli seqmentdən çıxması barədə şayiələrə əsas verdi.
Martın 29-da başa çatan maliyyə ilində "Burberry"nin 4 milyon dollar xalis ziyana uğradığı məlum olub və onun düzəliş edilmiş əməliyyat mənfəəti təxminən 20 dəfə azalaraq 35 milyon dollar olub. Bunun fonunda dividendlər ödənilməyəcək.
