Monteneqro 2029-cu ilə qədər Avropa İttifaqının (Aİ) 29-cu üzv dövləti olmağı planlaşdırır.
Oxu.Az "RIA Novosti"yə istinadən verdiyi məlumata görə, bu barədə ölkə prezidenti Yakov Milatoviç Antalya Diplomatik Forumunda (ADF) bəyan edib.
Milatoviç bu hədəfi iddialı, lakin realist adlandırıb:
"Çünki Podqoritsa əmindir ki, xüsusilə Ukrayna münaqişəsindən sonra Aİ-nin genişlənməsinin Avropa qitəsinin təhlükəsizliyi ilə birbaşa əlaqəli olduğunu Avropa artıq çox aydın şəkildə dərk edib".
O əlavə edib ki, Monteneqronun ittifaqa mümkün qoşulması tarixçəsi bütün digər namizəd ölkələr üçün rol modeli ola bilər.
Qeyd edək ki, Qərbi Balkanın beş ölkəsi - Albaniya, Bosniya və Herseqovina, Şimali Makedoniya, Monteneqro və Serbiya Aİ-yə qoşulmaq üçün rəsmi namizəd statusuna malikdir.
Monteneqro Aİ-yə qoşulmaq üçün rəsmi ərizəsini 15 dekabr 2008-ci ildə təqdim edib. 2010-cu ildə o, "namizəd ölkə status" alıb. Beş il sonra ölkə həmçinin NATO-nun üzvü olub.
