Nepalda güclü daşqından sonra 1 924 nəfər itkin düşmüş hesab olunur, 4 451 nəfər isə xilas edilib.
Oxu.Az xəbər verir ki, bu barədə ölkənin Milli Risklərin Azaldılması və Fəlakətlərin Nəticələrinin Aradan Qaldırılması İdarəsi məlumat yayıb.
Qurumun məlumatına görə, itkin düşənlər arasında 517 xarici turist də var. Hazırda xilasetmə əməliyyatlarına 15 431 nəfər cəlb olunub.
Axtarış-xilasetmə qrupları 579 nəfərin cəsədini aşkar ediblər.
Nepalda baş verən şiddətli daşqınlar nəticəsində həyatını itirənlərin sayı artaraq 538 nəfərə çatıb.
Oxu.Az xəbər verir ki, bu barədə ölkənin Daxili İşlər Nazirliyindən rəsmi açıqlama yayıb.
Hökumət nümayəndələrinin təqdim etdiyi son hesabata əsasən, indiyədək 538 meyit aşkar edilib, daha 977 nəfər isə itkin düşmüş sayılır.
Rəsmi statistikaya görə, təbii fəlakət zamanı 73 nəfər müxtəlif dərəcəli bədən xəsarətləri alıb, 3 742 vətəndaş isə təhlükəsiz əraziyə təxliyə edilib.
Fəlakət zonasında həyata keçirilən axtarış-xilasetmə tədbirlərində təqribən 15 min nəfərlik heyət iştirak edir.
Nepalın Turizm Nazirliyindəki mənbəyə istinad edən "Reuters" agentliyi bildirib ki, daşqınlardan zərər çəkmiş bölgələrdən 117 əcnəbi turist də xilas olunub.
Nepalda baş vermiş dağıdıcı daşqının qurbanlarının sayı artaraq 475 nəfərə çatıb.
Oxu.Az xəbər verir ki, bu barədə "Kathmandu Post" nəşri yerli polisə istinadən məlumat yayıb.
Bildirilib ki, yüzlərlə insan itkin düşmüş hesab olunur.
"Reuters" agentliyinin məlumatına əsasən isə yeni subasma təhlükəsi vəziyyəti daha da mürəkkəbləşdirir. Belə ki, Çin və Nepal sərhədində buzlağın sürüşməsi nəticəsində yaranan göl daşmağa başlayıb. Dağıntılardan əmələ gələn bəndin uçması və əlavə fəlakətlərin yaranması riski səbəbindən çinli xilasedicilər axtarış işlərini dayandıraraq təhlükəsiz əraziyə çəkilmək məcburiyyətində qalıblar.
Nepalın şimal bölgələrində baş verən güclü daşqın nəticəsində həyatını itirənlərin sayı 469 nəfərə çatıb.
Oxu.Az xəbər verir ki, bu barədə yerli polisdən rəsmi məlumat verilib.
Hüquq-mühafizə orqanlarının son hesabatında qeyd olunur ki, indiyədək 469 meyiti aşkar edilib, xəsarət alan 1 545 nəfər isə xilas edilib.
Fəlakət bölgəsində axtarış-xilasetmə tədbirləri davam etdirilir. Əraziyə ümumilikdə 13 295 təhlükəsizlik əməkdaşı cəlb edilib. Xilasedicilər dağıntıları təmizləyərək insanları torpaq altından çıxarmağa çalışırlar.
Nepalın Baş naziri Balendra Şah vəziyyətin gərgin olaraq qaldığını bildirib:
"Bütün dövlət qurumları gücləndirilmiş iş rejimində fəaliyyət göstərir. Hazırda əsas hədəfimiz hər bir vətəndaşın həyatını xilas etmək, itkin düşənləri tapmaq, yaralılara tibbi yardım göstərmək və təbii fəlakətdən əziyyət çəkən ailələrə təcili dəstək verməkdir".
Qeyd edək ki, avqustun 26-da səhər saatlarında Nepalın şimal rayonlarına güclü su axını gəlib. İlkin ehtimallara görə, daşqına Nepal və Çin sərhədində baş vermiş qar və daş uçqunu səbəb olub. Hazırda yüzlərlə insan itkin düşmüş hesab olunur ki, onların da təxminən 500 nəfərinin xarici vətəndaşlar olduğu bildirilir.
