Böyük Britaniya Hərbi Dəniz Qüvvələri Dəniz Ticarət Daşınmaları Koordinasiya Mərkəzi (UKMTO) Oman sahillərində raketlə vurulan tankerlə bağlı yeni hadisə barədə məlumat verib.
Bu barədə Oxu.Az TASS-a istinadən xəbər verir.
"UKMTO, Omanın Limah şəhərindən 13 dəniz mili cənub-şərqdə baş verən hadisə barədə məlumat alıb. Tankerin komandası ərazidən çıxış istiqamətində cənub marşrutu üzrə hərəkət edərkən raketlə vurulub. Səlahiyyətlilər araşdırma aparır", - deyə koordinasiya mərkəzindən bildirilib.
Əlavə detallar açıqlanmayıb.
Qeyd edək ki, iyulun 13-nə keçən gecə UKMTO tankerin Oman sahillərindən 40 dəniz mili şimal-şərqdə raketlə vurulduğunu, ekipajın xəsarət almadığını bildirmişdi.
Qaynar xətt:
(055) 224 12 12
