Peruda qızıl mədəninə hücum: 17 işçi çarəsiz vəziyyətdə qalıb

Perunun La Libertad bölgəsində qeyri-qanuni şaxtaçılar qızıl mədəninə hücum edib və elektrikötürücü qülləni partladıblar.

Bu barədə Oxu.Az "Sondakika.com"a istinadən xəbər verir.

Yerli rəsmi orqanların verdikləri açıqlamaya görə, hücumçular mədəndəki elektrikötürücü qülləni partlatdıqdan sonra çökmə baş verib. Nəticədə 17 işçi içəridə çarəsiz vəziyyətdə qalıb və onların xilas edilməsi ilə bağlı aparılan işlər davam edir.

La Libertadın Pataz rayonunun bələdiyyə sədri Segundo Armas bölgəyə çatmaqda olduqca böyük çətinliklərin olduğunu və mədəndə telefon dalğasının tutmadığını bildirib.

Qeyd edək ki, qızıl, gümüş və mis kimi mineralların tapıldığı Peruda hökumət qeyri-qanuni mədənçilik fəaliyyətinə qarşı mübarizə aparır.

Peruda qızıl mədəninə hücum: 17 işçi çarəsiz vəziyyətdə qalıb