2025-ci ilin yanvarında Ağ Evi tərk edən ABŞ-nin keçmiş prezidenti Co Bayden ictimai çıxışlarla pul qazanmağa qərar verib.
Oxu.Az-ın məlumatına görə, bu barədə "The New York Post" öz mənbələrinə istinadən xəbər verib.
Bildirilib ki, 82 yaşlı siyasətçi natiq kimi xidmətləri üçün 300 min dollar məbləğində qonorar tələb edir.
Lakin, zəngin təcrübəsinə və tanınmasına baxmayaraq, Bayden hələ də natiqlik bazarında xüsusi tələbat görməyib.
Mənbədən bildirilir ki, keçmiş prezidenti nüfuzlu "Creative Artists Agency" təmsil edir, lakin hətta onlar da tanınmış müştəriləri üçün tədbirlərin rezervasiyasında çətinlik çəkirlər.
Müqayisə üçün bildirək ki, ABŞ-nin 44-cü prezidenti Barak Obama çıxışları üçün 400 min dollar alırdı.
Qeyd edək ki, Bayden prezidentlik müddətində dəfələrlə çıxışlarında yanlışlığa yol verib, bir dəfə isə özünü hətta qaradərili qadın kimi təqdim edib. Bundan başqa o, ölkələri, dövlət başçılarını, hətta öz işçilərini tez-tez səhv salır, nitqində sözləri yaddan çıxarır, bəzən isə harada olduğunu unudurdu.
