Ən son xəbərləri bizim "X" səhifəmizdə izləyin

Putin Ərdoğanla görüşdü, başsağlığı verdi
Rusiya Prezidenti Vladimir Putin BRICS sammiti çərçivəsində Türkiyə lideri Rəcəb Tayyib Ərdoğan ilə ikitərəfli görüş keçirir.
Oxu.Az TASS-a istinadən xəbər verir ki, liderlər ticari-iqtisadi əlaqələrin inkişafı perspektivlərini, eləcə də Türkiyə ərazisində beynəlxalq qaz qovşağının yaradılması layihəsini müzakirə edəcəklər.
Gündəlikdəki məsələlərin müzakirəsindən əvvəl Putin Ankarada törədilmiş terror aktını qınayıb və bununla əlaqədar Ərdoğana başsağlığı verib.
"İşimizə başlamazdan əvvəl terror aktı ilə əlaqədar sizə başsağlığı vermək istərdim. Mediada Türkiyədə terror aktı baş verdiyi barədə məlumatlar çıxıb", - Rusiya lideri bildirib.
Qeyd edək ki, bundan əvvəl Rusiya və Türkiyə liderləri son dəfə Şanxay Əməkdaşlıq Təşkilatının iyul ayında Astanada baş tutmuş sammitindən əvvəl görüşmüşdü.
"Rəcəb Tayyib Ərdoğan" teqi üzrə xəbərlər
- "Mixaylo" ləqəbli şəhid Mühüd Orucov - Ərdoğan onu "Azərbaycanın aslanı" adlandırmışdı
- Taxıl sazişi üzrə görüşün mümkün yeri məlum olub
- Ərdoğan: "Son 10 gündə baş verən küçə terroru soyğunçuluğu ört-basdır etmək cəhdidir"
- Ərdoğan: "Türkiyə Azərbaycanda sülhə və təhlükəsizliyə önəmli töhfə verir"
- Rəcəb Tayyib Ərdoğan İlham Əliyevi təbrik etdi