Roma pontifiklə vidalaşır: Papa Fransiskin nəşi Müqəddəs Pyotr kilsəsinə aparıldı

Roma Papası Fransiskin cəsədi olan tabut onun şəxsi iqamətgahından - 21 apreldə vəfat etdiyi Müqəddəs Marfa evindən Müqəddəs Pyotr kilsəsinə aparılıb. Yaxın vaxtlarda ictimai vida mərasimi başlayacaq.

Oxu.Az bu barədə TASS-a istinadla xəbər verir.

Vida mərasimini idarə edən kardinal-kamerlenq Kevin Farrell, cəsədin daşınmasından əvvəl dəfn duasını oxuyub və artıq kilsədə söz liturgiyasına başlayıb.

Roma pontifiklə vidalaşır: Papa Fransiskin nəşi Müqəddəs Pyotr kilsəsinə aparıldı

Roma pontifiklə vidalaşır: Papa Fransiskin nəşi Müqəddəs Pyotr kilsəsinə aparıldı

Mərasimdə kardinallar, arxiyepiskoplar, yepiskoplar və kilsə xadimləri iştirak edirlər. Onlar tabutun qarşısında meydandan keçid ediblər. Meydanda İsveçrə qvardiyaçılarının fəxri qarovulu qurulub.

Pontifiklə vidalaşma mərasiminin bütün qaydaları xüsusi sənəddə təsvir edilib, lakin Fransisk hələ sağlığında ona bəzi dəyişikliklər edərək proseduru sadələşdirib.

Müqəddəs Pyotr meydanında inanclılar toplaşıblar. Roma hakimiyyətinin təxmini qiymətləndirməsinə görə, təxminən 100 min insan iştirak edir.

Romada misli görünməmiş təhlükəsizlik tədbirləri görülüb. Müqəddəs Pyotr meydanı, nəqliyyat qovşaqları xüsusi nəzarət altına alınıb. Səmada uçuşsuz zona rejimi elan edilib, PUA-ların ələ keçirilməsi sistemi işə salınıb.

Fransisklə vidalaşma 25 aprelə qədər davam edəcək. Dəfn mərasimi 26 apreldə dövlət və hökumət başçılarının, taclı şəxslərin, ruhani və dini nümayəndələrin iştirakı ilə keçiriləcək.

Qeyd edək ki, o, Romanın Eskvilino rayonundakı Santa-Mariya-Maccore bazilikasında dəfn olunmasını vəsiyyət edib. Kilsə dörd əsas papa bazilikasından biridir. 1216-cı ildə III Honoriusdan 1669-cu ildə IX Klementə qədər yeddi papa orada dəfn edilib.