Rusiya Müdafiə Nazirliyinin yüksəkrütbəli rəsmisinə qarşı sui-qəsd cəhdinin qarşısı alınıb.
Oxu.Az-ın Rusiya KİV-ə istinadən xəbərinə görə, bu barədə Federal Təhlükəsizlik Xidmətindən (FTX) məlumat verilib.
Məlumata görə, Rusiya FTX Ukrayna xüsusi xidmət orqanlarının tapşırığı ilə Müdafiə Nazirliyinin yüksəkrütbəli zabitinə sui-qəsd planlaşdıran Donetsk sakinini saxlayıb.
Bildirildiyinə görə, zabiti içinə zəhər qatılmış pivə ilə zəhərləmək planlaşdırılıb. Bunun üçün Britaniya istehsalı olan hədiyyəlik pivə şüşələrinin içinə zəhər qarışığı əlavə edilib.
Sui-qəsdi törədəcək şəxs Ukrayna kəşfiyyatından hədiyyə olaraq təhvil verməli olduğu iki şüşə Britaniya pivəsini alıb. Bunun qarşılığında ona 5 000 dollar vəd edilib.
Qeyd edilir ki, tərkibində kolxisin və tretbutilbitsiklofosfat (VX hərbi zəhərləyici maddəsinin analoqu) olan zəhər qarışığı 20 dəqiqə ərzində əzablı ölümə gətirib çıxaracaqdı.
Cinayətkar zəhəri təhvil verərkən saxlanılıb.
