Rusiyada dünyada ilk dəfə səsdən sürətli mülki təyyarə üçün intellektual texnologiyaların sınağı uğurla həyata keçirilib.
Oxu.Az xəbər verir ki, bu barədə "N.E.Jukovski adına İnstitut" Milli Tədqiqat Mərkəzinin mətbuat xidməti məlumat yayıb.
Bildirilir ki, uçuş bağlı kabinə şəraitində, yəni şüşəsiz kabinədə həyata keçirilib və bu, "terminaldan terminala" konsepsiyasını dəstəkləyən intellektual texnologiyaların ilk real uçuş sınağı olub.
Pilotlar təyyarəni pəncərə əvəzinə quraşdırılmış müxtəlif baxış bucaqlarına malik beş adi və iki infraqırmızı kameradan ibarət xarici görmə sistemi vasitəsilə idarə ediblər.
Bu texnologiya kabinədə real görüntü təqdim edərək vizual nəzarəti təmin edib.
