Serbiya Prezidenti Aleksandar Vuçiç respublikanın hazırkı çağırış Xalq Skupşinasının (birpalatalı parlament) buraxılması və oktyabrın 25-nə növbədənkənar seçkinin təyin olunması haqqında qərarları təsdiqləyib.
Bu barədə Oxu.Az TASS-a istinadən xəbər verir.
"Hökumətin təqdimatına əsaslanaraq Xalq Skupşinasının buraxılmasına dair fərman imzalayıram. Sənəd dərc olunduğu andan qüvvəyə minir. Parlament seçkisini elan edirəm və onu 25 oktyabra təyin edirəm", - deyə A.Vuçiç xalqa müraciətində qeyd edib.
Serbiyanın Baş naziri Curo Matsut sentyabrın 7-də dövlət başçısına qanunverici orqanın fəaliyyətinə xitam verilməsi ilə bağlı təklif təqdim etmişdi ki, bu da erkən seçkinin keçirilməsi üçün əsas şərt hesab olunurdu. Bundan əvvəl isə hakim Serbiya Tərəqqi Partiyasının sədri Miloş Vuçeviç bildirmişdi ki, qarşıdan gələn parlament seçkisində siyasi qüvvənin siyahısına A.Vuçiç başçılıq edəcək və o, partiyanın baş nazir postuna namizədi olacaq.
