Ermənistanın keçmiş müdafiə naziri Seyran Ohanyanın həyat yoldaşı Ruzan Xaçatryana qarşı cinayət işinin ibtidai istintaqı başa çatıb və materiallar baxılması üçün məhkəməyə göndərilib.
Oxu.Az xəbər verir ki, bu barədə Ermənistan İctimai Televiziyası informasiya yayıb.
Bildirilib ki, Xaçatryan bəyan edilməli olan əmlakını gizlətməkdə, sübutları saxtalaşdırmaqda və qadağa qoyulmuş əmlakı özgəninkiləşdirməkdə ittiham olunur.
Məlumata görə, iki daşınmaz əmlak 2009-cu ildə Ohanyanın köməkçisi tərəfindən satın alınıb. İki il sonra həmin mülklər Xaçatryanın yaxın qohumlarına verilib.
İş materiallarına görə, bu çərçivədə hazırda saxta kimi qiymətləndirilən sənədlər təqdim edilib və bunların əsasında məhkəmə əvvəllər adıçəkilən şəxslərin xeyrinə qərar çıxarıb.
