Tramp bəzi ölkələrə qarşı rüsumların tətbiqini təxirə saldı

ABŞ Prezidenti Donald Tramp bəzi ölkələrə münasibətdə qarşılılıq prinsipi üzrə tətbiq edilmiş əlavə idxal rüsumlarının fəaliyyətini 90 günlüyünə dayandırdığını bildirib.

Oxu.Az xəbər verir ki, o bu barədə "Truth Social" platformasında məlumat paylaşıb.

O vurğulayıb ki, 75-dən çox ölkə ticarət, rüsumlar, valyuta manipulyasiyaları məsələləri üzrə danışıqlar məqsədilə ABŞ nümayəndələrinə müraciət edib:

"Bu ölkələr ABŞ-yə qarşı heç bir cavab tədbiri görməyiblər. Bununla əlaqədar olaraq, 90 günlük fasilə və bu müddət ərzində 10 faiz həcmində cavab rüsumları barədə göstəriş verdim. Qərar dərhal qüvvəyə minir".