Trampdan rüsumlarla bağlı qalmaqallı açıqlama: "Bəzi ölkələr razılaşma üçün ətəyimdən öpürlər"

ABŞ Prezidenti Donald Tramp Konqresin Milli Respublikaçılar Komitəsinin donor tədbirində ticarət rüsumlarına dair cəsarətli bəyanatla çıxış edib.

Oxu.Az-ın xəbərinə görə, bu barədə "The Mirror" nəşri yazıb.

Məlumata görə, Tramp bildirib ki, yeni ticarət siyasətinin işə salınmasından sonra bəzi ölkələr onunla danışıqlara başlamaq uçub növbəyə düzülürlər.

Tramp rüsumlarla bağlı hazırkı vəziyyətə toxunaraq, bunu "yaxşı" və "əfsanəvi vəziyyət" adlandırıb.

"Bu ölkələr mənə zəng edir, ətəyimdən öpürlər... onlar razılaşma əldə etmək arzusu ilə yanırlar... Xahiş edirəm, lütfən, cənab, razılaşmanı imzalayın. Mən hər şeyi edərəm", - deyə Donald Tramp bildirib.

Ağ Ev də təsdiqləyib ki, Tramp rüsumları daha yaxşı ticarət razılaşmalarının əldə edilməsi üçün danışıqlar vasitəsi kimi nəzərdən keçirir.

Həmçinin Ağ Evin mətbuat katibi Karolin Levitt Tramp ilə tarif danışıqlarına potensial olaraq vasitəçilik edən digər ölkələrə qarşı açıqlıq nümayiş etdirib.

"Bizə ən yaxşı təklifinizi verin və o, qulaq asacaq", - deyə Levitt qeyd edib.