Ukrayna Silahlı Qüvvələrinin Quru Qoşunlarının komandanı Mixail Drapatıy tutduğu vəzifəsindən istefa verib.
Oxu.Az xəbər verir ki, bu barədə o, "Telegram" kanalında məlumat paylaşıb.
"Bu, mənim 239-cu poliqonda döyüşçülərimizin həlak olması ilə nəticələnən faciəyə görə şəxsi məsuliyyət hissimdən irəli gələn şüurlu addımdır. Mən bir komandir kimi əmrlərimin icrasını tam təmin edə bilmədim. Bu mənim məsuliyyətimdir" , - deyə o yazıb.
Xatırladaq ki, Rusiya ordusu Ukrayna Silahlı Qüvvələrinin Dnepropetrovsk vilayətində yerləşən təlim mərkəzinə raket zərbəsi endirib.
Son məlumata görə, hücum nəticəsində 12 nəfər ölüb, 60-dan çox insan yaralanıb.
