Usman Dembele milli komanda yoldaşı Kilian Mbappenin tez-tez və lüzumsuz yerə tənqid hədəfinə çevrildiyini vurğulayıb.
Oxu.Az "Actu Foot"a istinadən xəbər verir ki, Dembele insanların "Real Madrid"in hücumçusuna qarşı ədalətsiz davrandığını vurğulayıb.
"İnsanlar ona qarşı çox ədalətsiz davranıblar. Biz Kilianı tənqid etməyə həddindən artıq aludə olmuşuq, lakin o, inanılmaz bir futbolçudur. Mbappe meydandan kənarda da möhtəşəm insandır, mən onu çoxdan tanıyıram. Bəzən insanlar onu həddindən artıq sərt tənqid edirlər. Sadəcə söhbət Kilian Mbappedən getdiyi üçün belə edirlər.
Ona qarşı bu qədər qəddar olmaq lazım deyil. İstəyirsə, ayaqqabısının bağlarını bağlasın, istəmirsə, bağlamasın. Bütün bunlar artıq dərəcədə şişirdilir! Mbappe ilk növbədə bir insandır, eyni zamanda müstəsna keyfiyyətlərə malik bir oyunçudur. O bizim liderimiz, Fransa yığmasının kapitanı və komandamız üçün son dərəcə vacib bir futbolçudur", - deyə Dembele bildirib.
